香港,由漁村發展成國際城市;社會,由眾多不同文化族群構建;新鮮人,同義與初出茅廬相近,比喻缺乏經驗的人。
而我,原網名大雄,網誌自命為景三,今年離開校園,以新鮮人身份投身香港所謂的國際都會裡打工,吸取社會經驗。
此網誌記錄我人生經歷及分享個人日常趣事

2016年3月7日 星期一

過去半年,重新出發

首先睇呢篇文章之前,送首歌畀你聽住黎睇。
https://www.youtube.com/watch?v=itP4J3Bx9Wk

距離上一篇文章已經係半年前嘅事,有時候想將自己想法放係Facebook同大家分享,但奈何Facebook一大堆新嘅政策,例如放Youtube片會少左人睇,等等...情況已經令我係Facebook做任何事都開始要思前想後,會有卻步嘅諗法,所以依家放相都會寧願揀Instagram*,原因個平台夠濫,唔需要放一啲有資訊性既相都可以俾我廢UP一大論。當然,Instagram都有唔少本地User會放下旅遊資訊,而且幾齊全,做得仲好過正統旅遊網誌。

講開又講,我發現香港多左好多市集興起嘅潮流,由其是賣自家製品,呢類商店除左係Instagram愈黎愈多,更加走入其他大小市集,擴展佢地嘅業務,我係幾鍾意行市集,同時覺得呢類本地自家製品好有特色,真係希望各位香港人多啲留意下佢地,寧願花時間行一式一樣嘅商場,倒不如直接去本地市集睇下啲新奇玩意,約埋班朋友或者情侶去兜返轉,仲開心過去冒險樂園。

呢幅掛畫就係上年去市集買返黎,當時買個陣,老闆仲問我「點解你會買呢幅嘅,好少人買架咋,係我畫畫個partner死都話要畫呢幅黎賣」,我心諗,打機嘅野,你識條鐵咩?

另外講開街霸,其實我玩得唔勁,剩係識出下波動拳,仲好記得係Steam到同香港人連線對打嘅時候,打打下對面個玩家嬲到開MIC屌我,話「你真係唔識玩架喎,咪剩係用腳踢人啦屌你!」











另外今日決定左樣野,就係Fallout系列會搬去Twitch*平台繼續連載,呢個決定好艱辛,因為我又再次傷大家心。另外以後唔會再係自己Youtube頻道上面玩劇情類型嘅遊戲,其實唔係唔鍾意玩,而係我根本冇能力去應付故事嘅遊戲,我一直懷疑自己有係咪有閱讀障礙,睇字幕又慢過人,讀又讀得慢過人,要整呢類遊戲放上網俾人睇,好老實講我自己都唔會想睇,更何況我要整俾人睇。所以已經決定好左,未來目標都只係會玩「模擬」遊戲,例如模擬市民、模擬樂園、模擬乜乜乜。總之就係可以俾我發揮想像空間嘅遊戲,既然知道自己暫時做得最好就係呢類遊戲,我會放多啲時間係呢方面遊戲。

點解突然之間改變?係因為我想每次出片都係有內容性,我自己會滿意,我知道唔可以死守呢個範疇,要突破,所以同時之間我開始其他創作,會見多左我個樣出現係自己平台上面,希望頻道每次出片都做到有豐富嘅內容,而且絕對唔想馬虎,呢個就係我目標。

我亦都知道你地好討厭我懶嘅性格,或者呢頭講完出片,剩間又冇左件事,做野冇連貫性,真係好對唔住,我都覺得咁樣嘅創作要你地去支持會好辛苦,所以係創作同埋安排出片嘅時間,會逼自己要盡力去改。

呢幾日不停寫左啲新野,希望可以快啲拍到出黎俾大家睇,其實早係半年前已經好想拍有劇情性嘅Vlog*,但係我一直都釐定唔到拍出黎嘅究竟係叫Vlog定劇場片,因為Vlog本身個定義就係有畫面嘅生活片,或者係鏡頭前討論各種話題,不過暫定叫做Vlog,暫定...

最後,我會繼續係唔同平台做創作或者同你地交流,直到我死個一刻,多謝你地支持。

*註解
Instagram: 手機社交平台APP,以分享相片作為主嘅平台。
Twitch: 遊戲直播平台,遊戲唔再單純以拍片做形式,更加可以即時直播,同觀眾交流。
Vlog: 全稱為Video web log,由網上衍生出黎嘅新媒體,Vlog主要以影像代替從前網誌發放信息嘅新趨勢。

6 則留言:

  1. 可以keep住做D富有教育意義或令人反思嘅野嗎?好似呢度留言容易D同你交流,由受歡迎嘅人講出主觀野好似較有說服力,相信你遲早被人賞色嫁!(不過都好似做好多年都~)但係我想由你學識好野,好似節約能源果次。幫助港豬。永䢭支持你。 --其中一名睇你好耐嘅觀眾

    回覆刪除
    回覆
    1. 有時真係驚做得太多共鳴野會有反效果, 不過呢類片會一直去做, 多謝你支持, 不過係唔同平台留言我有時都會覆嘅, 或者私底下係專頁話我聽都得。

      刪除
  2. 唉……仲想睇埋你一整集Fallout 4,我唔鍾意直播,你可以錄D直播片上去Youtube嗎?點都好,我支持你!

    回覆刪除
    回覆
    1. Twitch係一個星期內都會有自動Buckup做紀錄, 要再考慮將直播片放上Youtube, 因為真係幾花時間咁去做。

      刪除
  3. 我認為係兒家嘅youtube 值得睇嘅係得翻你,但係你轉去twitch係人之常情,現今YouTube 已經比小學雞, 同以小學雞為主流觀眾群嘅垃圾佔據。
    個人而言, 我好鍾意你最近嘅影片,的確能夠令我懷念童年,並且有反思現今教育制度下,新一代嘅可悲。
    我認為你同伍公子嘅作風有啲相似,雖然唔知你係咪鍾意佢,但係我認為佢同你嗰邊一樣都係頗有教育意義。
    好希望你可以繼續呢一種風格,成為網絡中嘅清泉

    回覆刪除
    回覆
    1. 對於Youtube嘅變化就好似係一種社會現象,不過我曾經都低質過,冇乜資格再去評論每個人,只可以用自己以往嘅改變,係半年前出左一段對Youtube不屑嘅自述片,不過點解Youtube轉變得咁快,終究都係錢作怪。
      最近嘅片係好耐以前都已經想整,兩年前都出過幾次,不過當時處理得仲未成熟。
      多謝你,仍然想繼續進步落去,你地嘅意見真係好重要。

      刪除